જય શ્રીકૃષ્ણ મિત્રો,
આવતી કાલે છે ૧૪મી જાન્યુઆરી એટલેકે આપણા સહુનો માનીતો તહેવાર ઉત્તરાયણ.કહે છે કે ઉત્તરાયણ બાદ કમુહુર્તાનો અંત આવે છે અને લગ્નગાળાની મોસમ ફરી છવાય છે.તો ચાલો આ માટે આપણે સૌ પહેલા તેમના જ લગ્ન કરિ દઈએ જે દર વર્ષે સૌ પ્રથમ આપણે કરીએ છીએ.આપને થતું હશે અરે આ વળિ કોણ છે તો ચાલો આપ સર્વેને આ કંકોતરી જ આપી દઉં અને આપ સર્વે આ આમંત્રણ સ્વીકારી વહેલાસર પધારી લાભ લેશો.વળિ આજે આ સાથે એક બાળગીત પણ રજું કરું છું.અને આવતીકાલે આપણા રમેશ પટેલના ગીત સાથે ફરી મળીશું.ચાલો હજી તો ધાબુ ધોવાનું છે અને પતંગ તથા દોરી તૈયાર કરવાની છે અને કિન્ના પણ બાંધવી પડશેને…શુભ મકરસંક્રાંતિ.
નિમંત્રણ
પીળો પતંગ મારો પીળો પતંગ
ઊંચા આભે ઉડાડું મારો પીળો પતંગ
નાનાં નાનાં ફુમતાનો ભૂરો છે રંગ
ભૂરા આકાશે ઉડે પીળો પતંગ.
ધોળો પતંગ તારો ધોળો પતંગ
ઊંચા આભે ઉડાડ તારો ધોળો પતંગ
નાનાં નાનાં ફુમતાનો નીલો છે રંગ
ઊંચા નીલા આકાશે ઉડે ધોળો પતંગ.
હે કાપ્યો…કાપ્યો તારો ધોળો પતંગ
મારા પીળા પતંગે કાપ્યો ધોળો પતંગ
એ જાય જાય જાય તારો ધોળો પતંગ
પેલી ઝાડીમાં ભરાયો તારો ધોળો પતંગ
ઢીલ દઈને કાપ્યો તારો ધોળો પતંગ
ખેંચી ખેંચી કાપ્યો તારો ધોળો પતંગ.
જાન્યુઆરી 26, 2010 પર 3:52 પી એમ(pm) |
[…] રચના લઈને આવ્યો છું.વળી ગત વર્ષની કંકોતરી વાંચવાની પણ ચૂકતા નહી.બસ આપ સૌના […]
LikeLike
નવેમ્બર 11, 2010 પર 1:26 પી એમ(pm) |
Mara Wal Rajesh
LikeLike
ડિસેમ્બર 30, 2020 પર 10:14 પી એમ(pm) |
Thanks for Old memories
LikeLike