મોસમ આવી મહેનતની …..નાથાલાલ દવે

by

જય શ્રીકૃષ્ણ મિત્રો,

 હવે તો વર્ષાઋતુની શરૂઆત થઈ ગઈ છે અને લગભગ બધે જ મેઘરાજાએ તેમની મહેર વરસાવી રહ્યા છે ત્યારે વરસાદી ગીતોનો આનંદ આપ સર્વે વિવિધ મિત્રો/વડીલોના બ્લોગ પર પણ માણી જ રહ્યા હશો. પણ આજે એક ગુજરાતી પાઠ્યક્રમમાં આવતી એક કવિતાની વાત કરવી છે.અને આ કવિતા આપણને ઘણું બધું શિખવાડી જાય છે.અને સાચે જ આ તો હવે સિંચાઈની પદ્ધતિ અમલમાં આવી નહી તો ખેડૂતો માટે તો વરસાદની ઋતુ સૌથી સુંદર ઋતુ ગણાય જેના આધારે તો ખેતી નભતી.અને આજે પણ આ મોસમ મહેનતની જ છે અને માનવી ગમે તેટલો આધુનિક કેમ ન બને તેને કુદરતના ખોળે તો આવવું જ પડે ને.તો આજે માણિએ નાથાલાલ દવે ની આ સુંદર રચના..આને આપનો આ મોસમ વિશેનો પ્રતિભાવ આપશો ને… 

સોનાવરણી સીમ બની,
મેહુલિયે કીધી મ્હેર રે
ભાઇ ! મોસમ આવી મહેનતની.

 

નદીયુંના જલ નીતર્યાં
લોકોમાં લીલાલ્હેર રે
…. ભાઇ! મોસમ..

 

લીલો કંચન બાજરો
ને ઊજળો દૂધ કપાસ
રે …. ભાઇ! મોસમ..

 

જુવાર લોથે લૂમે ઝૂમે
ને હૈયામાં હુલ્લાસ રે
…. ભાઇ! મોસમ..

 

ઉપર ઊજળા આભમાં
કુંજડિયુંના કલ્લોલ રે
…. ભાઇ! મોસમ..

 

વાતા મીઠા વાયરા
ને લેતા મોલ હિલોળ રે
…. ભાઇ! મોસમ..

 

હો! લિયો પછેડી દાતરડાં,
આજ સીમ કરે છે સાદ રે
…. ભાઇ! મોસમ..

 

રંગે સંગે કામ કરીએ
થાય મલક આબાદ રે
…. ભાઇ! મોસમ..

 

 

લીંપી- ગૂંપી ખળાં કરો,
લાવો ઢગલે ઢગલા ધાન રે
…. ભાઇ! મોસમ.

 

 

રળનારો તે માનવી
ને દેનારો ભગવાન રે
…. ભાઇ! મોસમ…

Advertisements

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s


%d bloggers like this: