ઘરઘત્તા…..ઉર્મિબેન

by

 

રાધાકૃષ્ણ મિત્રો,

 આજે છે ૧૦મી જુન.આજે છે આપણા લોકલાડીલા મોનાબેન નાયક “ઉર્મિબેન” ઉર્મિના સાગરને ૩ વર્ષ અને ઉર્મિસાગર.કોમ ની દ્વિતિય વર્ષગાંઠ તો તેમને મારા અને વિશ( હિતેશ ચૌહાણ) તથા આપણા સૌના વતી આ અવસર પર ખૂબ ખૂબ અભિનંદન સહ શુભેચ્છાઓ. તેઓ હંમેશા આવુ સર્જન કરતા રહી આપણા જેવા ગુજરાતી સાહિત્યના રસિક-ચાતકોની પ્યાસ છીપાવતા રહે એવી પ્રભુને અભ્યર્થના..અછાંદસથી શરૂ થયેલી ઊર્મિબેનની યાત્રા છાંદસ ગઝલો અને લયબધ્ધ ગીતો સુધી પહોંચી, એના આપણે સાક્ષી રહ્યા જ છીએ.અને તેમનું માર્ગદર્શન અને મદદ હંમેશા પ્રોત્સાહનરૂપ રહ્યા છે જે મેં વિશ્વાસ એટલેકે હિતેશ પાસેથી હંમેશા જાણ્યું છે.તો આજે તેમના બ્લોગ પરથી લીધેલ તેમનું જ આ બાળગીત કહું કે મોટેરાનું ગીત.કારણ આ ગીત બાળપણની એ નિર્દોષ રમતની સાથે સાથે શીખ પણ આપી જાય છે કે એ ખોટુખોટુ રમતા જળવાતી ભોળપ જ્યારે સાચે ઘરઘત્તા રમવાનું આવે ત્યારે કેમ વિસરી જઈએ છીએ.એ રમતની મજા આપણા લગ્નજીવનમાં પણ કેમ ન જીરવી શકીએ.તો ચાલો માણીએ તેમની આ રચના..આને ગયા વર્ષે તેમની આ દિન પર મુકેલ રચના એ પ્રેમ છે આ બ્લોગ પરની આખા વર્ષની ત્રીજા નંબરની સૌથી વધું વંચાયેલ પોસ્ટ છે તો તેની મુલાકાત પણ લેજો. અને આપના મહામુલા મંતવ્યો જણાવી મને અભિભૂત કરશો.

નાનપણમાં
રો બપ્પોરે
ઘરના ઓટલા પર છાંયડે બેસીને
આપણે પેલી રમત રમતાંતાં
યાદ છે તને ?!

 

તું તારા ઘરેથી નાસ્તો લઈ આવતી
અને હું ભાખરી.
તું મારો વર બનતી
અને હું તારી વહુ…!
(
કોકવાર ઊલટુયે કરતા.)
સામેના ઘરમાં રહેતી પેલી નાનકડી ખુશીને
આપણે કોકવાર આપણી દિકરી યે બનાવતા.

તું ઓફિસે જવાનું નાટક કરતી,
અને હું
નાનકડા સ્ટવ પર નાનકડી તાવી મૂકી
ભાખરી શેકવાનો અભિનય કરતી.
મારી ખોટુકલી રસોઈ થઈ જતી,
પછી
આપણે સાચુકલું સા….થ્થે બેસીને ખાતા…!

 

 

ખોટુકલું ઘર,
ખોટુકલી રસોઈ,
ખોટુકલા સંબંધો,
ખોટુકલા ઝઘડા,
પણ
સાચુકલી લાગણી
અને સાચુકલા મનામણાં…!
સાવ ખોટુકલી રમત અને
સાવ સાચુકલી મજા…!

 

 

પણ હવે
કોણ જાણે કેમ
બધ્ધું ઊલટું થઈ ગયું છે!

;;;;;;;;;;;;;;;;;;;;;;;;;;;;;;;;;;;;;;;;;;;;;

આભાર ઉર્મિનો સાગર

One Response to “ઘરઘત્તા…..ઉર્મિબેન”

  1. ઊર્મિ Says:

    મન અને વિશનો દિલથી ખૂબ ખૂબ આભાર…!🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: