૨૩મું રાષ્ટ્રીય નેત્રદાન પખવાડિયુ…જો પારખી જાણો કોઈ આંખો…..ડો.હિતેશ ચૌહાણ “વિશ્વાસ”

by

જય શ્રીકૃષ્ણ મિત્રો,

આજે બરાબર એક મહિનો થઈ ગયો આ સુલભગુર્જરીના શરૂ થયાને. વળી અત્યારે ૨૩મું રાષ્ટ્રીય નેત્રદાન પખવાડિયુ  પણ ચાલી રહ્યું છે જે ૨૫મી ઓગસ્ટ થી ૮મી સપ્ટેમ્બર સુધી મનાવવામાં આવે છે.જો કે આ પોસ્ટ વહેલી મૂકવી હતી પણ પછી આજનો દિવસ જ પસંદ કર્યો.વળી આજના દિન માટે રચેલી મારી આ કવિતા પણ આજના દિવસે જ મૂકવાનો વિચાર હતો.જેથી આપ સર્વે મિત્રોને એક વિનંતી કરી શકાય કે જેમ આ સુલભગુર્જરી સુલભ્ય બની તેવી જ રીતે આ દુનિયામાંથી જતા જતા કોઈ વ્યક્તિને ફરી આ સુંદર દુનિયા નિહાળવાની તક આપીએ તો કેવું..? માટૅ જ કહુ છુ કે મૃત્યુ પહેલા રક્તદાન અને મૃત્યુ બાદ ચક્ષુદાન આ બે દાન ખરેખર આપના ના હોવા છતા પણ આપની આ દુનિયામાં હયાતી પુરવાર કરશે. વળી આવતીકાલથી એટલેકે ૨૯ ઓગસ્ટથી ચાલો ગુજરાતનો પણ ભવ્ય પ્રારંભ થઈ રહ્યો છે.તો ચાલો આપણે સૌ આ માટૅ કટિબદ્ધ થઈએ. અને આજે માણો મારી આ આંખો પરની રચના જે હું મારા આ બ્લોગને બનાવવામાં મને સતત સાથ અને માર્ગદર્શન આપતા રહ્યા છે તેવી મારી મિત્ર મન ને આ રચના અર્પણ કરું છું.

 

 

 

આખો માણસ તમે વાંચી શકો…

જાણી શકો, જો પારખી જાણો કોઈ આંખો,

હ્રદયની જમાનામાં નથી ખાસ કસોટી,

ઈન્સાનની ખરી પહેચાન છે તેની આંખો !

કહે કે ના કહે જીભ કોઈ હકીકત કદી,

વાચા સતત લાગણીની રજૂ કરે છે આંખો !

 

વેદના કે વિપત્તિ ટકી ગઈ કદી દિલ પર,

અંતિમ પળે છાની રહી નથી કદી આંખો !

 

દોસ્તીના દાવા તો વર્તનથી કૈક થાય છે,

છેતરાઈ કોઈ ક્યાં શક્યું છે જોઈને આંખો !

 

મન ના ચમનમાં સદાય ખીલે વસંત,

હોય જો નિરામય પાવક દ્રષ્ટિસભર આંખો !

 

અર્પી શકે છે અશ્રુબિંદુઓના ગુલાબો,

સ્નેહ નીતરતી જગતની હીર છે આંખો !

વાટ જોઈ રહી છે એ જ વિશ્વાસથી વિશ્વાસની આંખો…..!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: